Тіршілік тынысы Tirshilik-tynysy.kz ақпараттық агенттігі

№ 57 газет

20 шілде 2024 ж.

№ 56 газет

16 шілде 2024 ж.

№ 55 газет

13 шілде 2024 ж.

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031 
» » » Мерейтойымен құттықтады

Мерейтойымен құттықтады

Облыс әкімі Нұрлыбек Нәлібаев Қызылорда қаласының, сондай-ақ Арал, Қазалы және Сырдария аудандарының Құрметті азаматы, «Құрмет» орденінің иегері Айтбай Көшербаевты 70 жасқа толу мерейтойымен құттықтады.

Облыс әкімі мерейтой иесінің Сыр өңірінің дамуына айрықша үлес қосқанын айтып, ұзақ жылғы еңбегін жо­ғары бағалады.

– «Ел азаматымен еңселі» дей­­ді бұрынғылар. Қиын да өт­пе­­­­­­­­­­­­­лі кезеңде әлеуметтің әлеу­еті үшін істің иінін табу, облыстың су шар­уа­шылығы мен экологиялық про­б­лемаларын еңсеру, әлеу­меттік, коммуналдық салада бар­ды ұқсату тек іскер әрі ха­­лық­қа жанашыр азаматтардың қолы­нан келді. Дана халқымыз «Туған жер – тұғырың, туған ел – қыдырың» дегендей, кіндік қаны тамған жерге ту тіккен аза­мат­­тардың қатарында Айтбай Көшербаевтың қолтаңбасы ерек! Елдіктің асыл мұратына арқау болған азаматтық ұстанымы, ілкімді істері мерейтой иесін бүгінгідей белеске көтерді. Сіз білікті маман атанып, туып-өскен өңіріңізде жемісті жұмыс жаса­дыңыз. Саяси-әкімшілік қыз­меттер атқарып, аймақтың эко­номикалық, әлеу­меттік жағ­дайының жақса­руына бар күш-жігеріңізді арна­дыңыз. Заман­дастарыңыз бен әріп­тестеріңіз өзіңізді өмір мектебінде шың­далып, еңбегімен құрметке бөленген қайраткер, іскер азамат ретінде сыйлайды.

Айтбай Елеуұлы Қызыл­орда қаласының әкімі кезінде мені мемлекеттік қыз­метке қа­был­­дап, орынбасары ре­тін­де зор сенім білдірді. Жасы үл­кен аға, тәжірибесі мол  бас­­­шы­ның қам­қорлығын әр­дайым се­­зіндім. Сон­дықтан сіздің тұл­ғалық қасиетіңізді, кісілік кел­бетіңізді ар­дақ тұтамын. Елдің келе­шегімен байланысты өмір­шең іс­тердің бастамашысы бол­ға­­ныңызды жастарға үлгі-өнеге ету –  біздің парызымыз, – деді Нұрлыбек Машбекұлы.

Мерейтойлық қабылдау бары­сында Айтбай Көшербайұлына Қы­зыл­орда облысының «Құр­мет» грамотасы мен ҚР Мемле­кеттік Кеңесшісі Ерлан Қариннің құттықтау хаты табыс­талды.

Мерейтой иесін мемлекет және қоғам қайраткерлері Қырым­бек Көшербаев, Гүлшара Әбді­қалықова, сондай-ақ «РЗА» акцио­нер­­лік қоғамының прези­денті Самұрат Имандосов және еңбек ардагері Сәбит Аңсат құттықтады.

– Айтбай Көшербайұлы бізге өзінің еңбекшілдігімен, жауап­кершілігімен үлгі бола білді. Үлкен өндіріс және мемлекеттік қызмет мектебінен өтті. Әсіресе, САРАТС жобасының бірінші кезеңін іске асырудағы жанқиярлық еңбегі елдің есінде қаларлықтай. Ол өзінің 70 жасына абыройлы, парасатты, кемелденген  қалпында келді. Өнегелі ғұмырын тамызық қылып, көрген-білгенін ортаға салуға әбден лайық, – деді Қырымбек Елеуұлы.

Өз кезегінде Айтбай Көшер­бай­ұлы мерейлі 70 жасына орай арнайы қабылдап, құр­мет көр­сеткен аймақ басшысына, замандас аға-інілеріне риза­шы­лығын білдірді.

– Халқымызда «Азаматтың абыройы – еңбекте» деген аталы сөз бар. Қай салада қызмет етсек де осы аталы сөзді жадымыздан шығарған жоқпыз. Одан жаман болмадық. Оның үстіне біздің әулетіміздің Сыр өңірінде өзіндік орны бар. Сол әулетке кір келтірмейік, сенімді ақтайық деп хәл-қадірімізше халық игілігі жолында жұмыс істедік. Сол еңбегіміз елеусіз қалған жоқ. Бүгінгі құрмет көрсету іс-ша­расы да ұзақ жылғы еңбегіме беріл­ген баға деп білемін. Мені қызмет бабында қолдап ке­ле жатқан әріптестеріме айтар алғысым шексіз. Алдағы уақыт­­та да өңірдің әлеуметтік-эконо­микалық, қоғамдық-саяси дамуына қолдан келгенше өз үлесімізді қоса береміз. Дамудың жаңа кезеңіне қадам басып, әле­уе­ті артқан Қызылорда облысы өркендеп, дами берсін, – деді мерей­той иесі.

Енді 70 жастың желкенін кер­ген азаматтың өмір жолына тоқталсақ. А.Көшербаев 1953 жылы Қазалы ауданында дүниеге келген. Еңбек жолын 1975 жылы «Қызыл­ордаводстрой» тре­сі­нің №33 жылжымалы-меха­ни­­­ка­лық колоннасында шебер болып бастаған. Құрылыс және аг­рарлық саладағы бір­қатар кә­сіп­орындарда қызмет ат­қарған. Тәуелсіздік жылдарында ай­ма­ғымыздың әлеумет­тік-эко­­­но­микалық дамуына сү­белі үлес қосып, Арал, Қаза­лы аудан­дарының және Қы­зылорда қала­сының әкімі, облыс әкі­мі­­­­нің орын­басары, облыс­тық табиғи ресурс­­тар және табиғат­­­ты пайдала­нуды рет­теу басқармасының басшы­сы қыз­мет­терін абыроймен атқар­ды.

Айта кетейік, өткен аптада аудандық мәслихаттың ке­зек­­ті VII сессиясында А.Көшербаевқа «Сырдария ауда­ны­­­ның Құрметті азаматы» атағы бе­ріл­­­ген болатын. Бұл ұсынысты депутаттар бір­ауыз­дан қолдап, тиісті шешім ресми бекітілді.

«Тт» ақпарат
30 тамыз 2023 ж. 198 0