Алдағы күндерге арналған ауа райы болжамы

Синоптиктер 1-3 ақпанға арналған ауа райы болжамын айтты, деп жазады Qamshy.kzақпарат агенттігі "Қазгидромет" РМК өкілдеріне сілтеме жасай отырып.
Атлантикалық циклонмен байланыстырылған жылы ауа массалары Қазақстанға өте баяу жылжуда. Мұның себебі республиканың ауа-райына суық және қуатты Сібір антициклонының тигізген әсері болып табылады. Бірақ басталған жылуды тоқтата алмайды.
Алдағы үш тәулікте, циклон және онымен байланысты атмосфералық фронттар, Қазақстан аумағы арқылы өтіп, температураның көтерілуін ғана емес, жол-жөнекей  боран, қар жауу, қатты батыс желін, оңтүстік аудандарға көктайғақ алып келеді. Осы кезеңде ауа температурасы климаттық нормаға жуық болады.
«Қамшы» сілтейді