Бельгияда қыстың соңғы айында аномальді ауа райы орнады. Брюссельде қардың орнына күн ысып, ауа температурасы плюс 20 градустан асты. Жергілікті тұрғындардың бірі мұндай күн райына таңғалғанмен, енді бірі қуанып, жаздағыдай көкке шығып, дем алуға кіріскен. Ал мамандар табиғаттың бұлай өзгеруіне ғаламдық жылыну себеп дейді. Айта кететін жайт, Бельгияда соңғы бірнеше апта бойы климаттың өзгеруіне қарсы наразылық шеруі өтуде. БЛИЦ: Әрине мұндай ауа райына алаңдаймын. Мен Грекияданмын. Қазір ол жақта қар жауып тұр. Сондықтан ақпан айындағы ыстық маған өзгеше әсер етеді. Климаттың жылынуы өзекті мәселе екенін білемін. Жақында ол туралы мақала да оқыған едім. Бірақ ол үшін алаңдаудың еш қажеті жоқ деп ойлаймын.