Мамандар шілде айының ыстық болатынын айтуда.

Айдың басында Батыс Қазақстанда күн ыстық болса, басқа аймақта жауын жауып, жел соғады.

Солтүстік облыстарда ауа температурасы+28+35°С, оңтүстік өңірлерде +35+43°С төңірегінде болады.

Шілденің екінші онкүндігінің басында күн жауын шашынды болады.

Батыс Қазақстан, Атырау, Маңғыстау, Ақтөбе және Қостанай облыстарында орташа ауа температурасы климаттық нормадан 1…2°С жоғары болса, басқа аймақтарда нормаға жуық болмақ.

Батыс Қазақстан, Атырау, Маңғыстау, Ақтөбе, Қостанай, Қызылорда және Түркістан облыстарында жауын-шашынның айлық мөлшері климаттық нормадан аз болады.

Ауа райының өзгеруіне байланысты болжамға өзгерістер енуі мүмкін.