СЫР МЕДИА АКАДЕМИЯСЫ АШЫЛДЫ
![](/uploads/posts/2019-01/1548129528_1548128912_photo-nnn1-3427.jpg)
Жергілікті БАҚ мамандарының біліктілігін арттырып, салалық журналистикаға бейімдеу және заманауи трендтермен таныстыру мақсатында Сыр медиа академиясы жұмысын бастады.
Академияның бір маусымы үш айға созылады. Апталық дәрісінің ұзақтығы – 21 сағат. Онда журналистикада ұзақ жылдар еңбек етіп келе жатқан ақпарат саласының үздіктері дәріс береді. Қатысушылар қысқа ақпараттан бастап көлемді мақалалар мен аналитикалық зерттеу жасау, бейтараптық, сондай-ақ сайт жұмысын жетілдіру ісінде контент пен рейтинг мәселелері төңірегінде тәжірибе алмасады. Мұнымен қоса Сыр медиа радиосудиясында дыбыстау және монтаждау жұмыстарымен танысады.