Фото: altaynews.kz


Зайсан ауданындағы шекара бекетіне Қасым Қайсеновтың есімін беру ұсынылды. Бұл ұсынысты премьер-министрдің атына мәжіліс депутаты Бақытбек Смағұл айтты, деп хабарлайды Baq.kz ақпарат агенттігі altaynews.kz сайтына сілтеме жасап.
Депутат Батыр Қасымның өмірбаянына аз-кем тоқталып, Екінші дүниежүзілік соғыстағы ерлігі туралы айтты.

«Қасым Қайсенов – «Ұлы Отан соғысының» батыры, Халық қаһарманы, партизан, жазушы. 1918 жылы Ұлан ауданының Асу-Бұлақ ауылында туған. 1995 жылы Президент жарлығымен оған «Халық қаһарманы» атағы берілген. Биыл батырдың 100 жылдығы. Соның құрметіне шекара бекетін Қасым Қайсеновтың атымен атауды қарастыруыңызды сұраймын», - деді депутат.