ЖАС ЖҰБАЙЛАР КӨПШІЛІККЕ ӨНЕГЕ БОЛДЫ

Кеше «Ақмешіт-Сырдария» орталық мешітіне ақ некелерін қидырғалы келген жас жұбайлар «Мектепке жол» қайырымдылық шарасын өткізіп, жалпы республикалық акцияға өз үлестерін қосты.
ҚМДБ-ның Қызылорда облысы бойынша өкілдігі, «Жастар ісі» секторы жанынан құрылған «Шын жүректен» еріктілер тобы мұрындық болуымен өткізілген шарада 16 бүлдіршінге қажетті оқу құрал-жабдықтарымен жабдықталған мектеп сөмкелері таратылды.
Отбасылық өмірге жасалған алғашқы қадамдарын балақайларға қуаныш сыйлап, сауап жинаудан бастауға ниеттенген Нұрболат пен Ақмаралға ақжаулықты қарт анамыз ақ батасын беріп, шаңырақтары биік, ақ некелері берік, берекелі болуын тіледі.