Облыстық медициналық авиация қызметi жыл сайын дамып келедi
Қызылорда облысында өткен жылы медициналық авиация бөлімімен барлығы – 641 шақырыс орындалса, оның ішінде санитарлық автокөлікпен - 486, әуе кемесімен - 155 шақырыс орындалған. Шақырыстарды орындау барысында 196 ота жасалып, 228 жағдайда кеңес берілсе, аудандық орталық ауруханалардан көпбейінді облыстық ауруханаларға 255 науқас тасымалданды. Сондай-ақ, Ұлттық ғылыми және республикалық орталықтарға 71 науқас арнайы рейспен тасымалданды.
Айта кетейік, 2025 жылы материалдық-техникалық базаны күшейту мақсатында аймақ басшысының қолдауымен жаңа туылған нәрестелерді тасымалдауға арналған соңғы үлгідегі екі транспорттық инкубатор (кювез) сатып алынды.
