Бүгінгі мереке Құрманғазы, Дина, Тәттімбет сияқты дәулескер күйшілерімізден мирас болып қалған ұлттық қазынамызды, Сыр сүлейлерінің тағылымға толы мол мұрасын ұлықтайтын ерекше күн.

Мемлекет басшымыз Қасым-Жомарт Кемелұлы «Көне дәуірден жеткен бұл аспап халқымыздың болмыс-бітімін,

салт-дәстүрі мен мәдениетін айшықтайды. Рухымызды көтеріп, мерейімізді өсірген домбыра асыл мұрамызға, ұлттың символына айналды. Біз оны жан-жақты дәріптей береміз», деп мерекенің маңыздылығын айшықтады.

Домбыра – дана халқымыздың рухани болмысы, ұлтымыздың бойтұмары, сарқылмас мұрамыз. Халқымыз жан сарайының көңіл күйі мен асыл арманын, көзқарасын домбыраның қос ішегінен төгілген күй, ән, жыр арқылы жеткізген.

Бүгінде ата-бабамыздың аманатын ардақтап, баға жетпес құнды аспапты қадір тұту – бәріміздің қасиетті борышымыз.

Домбыраның қасиетті үні дархан даламызда мәңгі шарықтап, әр шаңырақтың төрінде болғай!

Еліміздің мерейі тасып, абыройы асқақтай берсін!