Мемлекет басшысы Қасым-Жомарт Тоқаев өз сөзінде елде жүргізіліп жатқан реформалар мен саяси жүйенің жаңғыруына ерекше назар аударды. Ол өз сөзінде кейінгі жылдары елімізде ауқымды экономикалық және институциялық реформалардың жүзеге асырылып жатқанын айтты.

Президент форум барысында саяси реформалар мен президент мандаты туралы да тақырыптарға да тоқталды.

«Біз суперпрезиденттік жүйеден бас тартып, “Күшті Президент – ықпалды Парламент – есеп беретін Үкімет” қағидатына негізделген жаңа модельге көштік. Бұл – саяси тұрақтылық пен демократиялық даму жолындағы маңызды қадам. Президент өкілеттілігі бір реттік 7 жылдық мерзіммен шектелді. Бұл – бұрын-соңды болмаған шешім. Менің ойымша, бұл қадам саяси жүйемізді нығайтып, өркениетті қоғам қалыптастыруға жол ашады», – деді Мемлекет басшысы.