Денсаулық сақтау саласында ме­дициналық көмектің бірін – жедел жәрдем қызметкерлері береді. Тәуліктің кез келген уа­­қытында қоңырау шалып, кө­мек сұраған науқасқа ал­ғаш­­қы меди­циналық жәрдем көр­­­сететін қыз­мет мамыр айынан бастап жаңа ережеге көшті. Жаңа ережеге сай жергілікті емхана жанынан мобильді бригада жұмыс істейді.

Қызметі ерекше, бастысы жыл­­­­­дам­дық пен шыдамдылықты, кәсі­­би біліктілікті қажет ететін салада өз ісінің мамандары қызмет етеді.

Адам өмірі – мемлекеттің бай­лығы, баға жетпес қазынасы. Ден­сау­­­лықтың сақшысы саналатын же­дел жәрдем қызметі, алғашқы меди­­­­циналық көмек дұрыс жасалған жағ­­дайда адам өмірін сақтап қалуына мүдделі.

Сондықтан қателесуге мүлдем бол­майтын салаға енген жаңа ереже туралы тұрғындарды ақпарат­тан­дыру­ды жөн көрдік.

Бұдан былай өмірге тікелей қауіп төн­дірмейтін жағдайлар кезінде ша­­қыртуға жедел жәрдем емес, емхана жанындағы мобильді брига­да қызмет көрсететін болады. Бұл шақырту­лар­ды «төртінші санатты» деп атайды. Аталған санатқа жоға­ры қан қысымы, дене қызуы, жеңіл жарақаттарға бай­­ланысты шақыртулар жатады. Бастапқы үш санат бойынша науқас­тың жағдайы ескеріледі.

– Тұрғындар бұдан былай күн­дізгі уақыттан кешкі мезгілге де­йін, таңертеңгі 8.00-ден 20.00-ге дейін емхана жанындағы мобильді бригаданың көмегін көретін болады. Бригада шақыртуға бір сағат уақыт аралығында келуге міндетті. Ал шұғыл жағдайда, бірінші, екінші және үшінші санатты шақыртуға жедел жәрдем 10-30 минутта жетуге тиісті. Шұғыл деңгейі бойынша жедел жәрдем мамандары межелі жерге тез жетуге тырысады. Түнгі уақытта және демалыс күндері бар­лық санаттағы шақыртуларға жедел жәрдем бригадасы барады, – дейді аудандық аурухананың бас дәрігері Жалғасбек Үсенов.

Айту керек, тұрғындар жедел жәр­­дем қызметін бұрынғыдай 103 нө­міріне қоңырау шалып, тәулік бойы көмекке жүгіне береді. Жедел жәрдемге жүгіну тәсілі өзгер­мейді.