Ақпан тосын мінез танытпасын

Бүгін ақпан айының алғашқы күні. Қыстың соңғы айында ауа райының күрт өзгереді деген болжамға байланысты Ауыл шаруашылығы министрлігі дабыл қақты. Яғни тиісті министрліктің шаруаларға жасаған үндеуінде ақпан айы мал ұстаған ағайынға едәуір қиындық туғызуы мүмкін.

Расында, әлемде жер көлемі бойынша тоғызыншы орын алатын еліміздің әрбір өңірінде климаттық өзгеріс көп. Солтүстік, оңтүстік, шығыс, батыс, орталық аймақтардағы ауа райының сан бағытта өзгеріске ұшырауы мал баққан көпшілікті әбігерге түсіретіні рас. Мәселен, осы айда «Қазгидромет» мә­ліметіне сүйенсек, Қазақстанның басым бөлігінде орташа ауа температурасы -10, -16°С төмендейді деп күтілуде. Сонымен қатар Атырау, Қызылорда, Жамбыл, Алматы, Жетісу, Батыс Қазақстан, Маңғыстау, Ақтөбе өңірлерінің оңтүстік-батысы мен Түр­кіс­тан облысының солтүстік жартысында сынап бағасы -1, -9°С болады деген болжам бар.

Өз кезегінде еліміздің басым бөлігінде жауын-шашын мол түсе­тін­дігін айта кетейік. Бұл ретте, Маңғыстау мен Түркістанның ба­сым бөлігінде, Атырау, Ақтөбе, Қос­та­найдың солтүстігінде, Солтүстік Қазақстанның солтүстік-батысында, Ұлы­тау облысының оңтүстік-баты­сында, Қызылорданың солтүстік жартысында, Жамбылдың оңтүстіс-батыс жартысында жауын-шашын нормаға жақын болады.

Ауыл шаруашылығы министрлігі ауа-райының күрт өзгеруіне байланыс­ты мал шаруашылығымен айналысатын жұртшылыққа ескерту жасады.

– Осыған байланысты малды жы­лы және құр­ғақ қорада ұстау ке­рек­­тігін сұрай­мыз. Жем­-шөп мөл­­­­ше­­рін кө­бей­­­тіңіз, өйт­­­кені суық­та жа­нуар­лар дене тем­пера­турасын ұс­тап тұру үшін көп энер­­гия­ны қажет етеді. Жем-шөп қо­­­­­рын тексеріңіз, күн ра­йының күрт өз­­­геруі жемнің қол­­­­­же­тімділігі мен са­пасына әсер етуі мүмкін. Бұлақтың қатып қалуын болдырмаңыз және таза су беріңіз. Сонымен қатар малдың жағдайын тексеріп отырыңыз, – дейді Ауыл шаруашылығы министрлігі.

«Тт» ақпарат