Алдағы үш күнге ауа райы болжамы: елімізде күн жылынуы мүмкін бе
"Қазгидромет" РМК Қазақстан бойынша 29-31 қазанға арналған ауа райы болжамын жасады, деп хабарлайды BAQ.KZ.Белгілі болғандай, Қазақстанның басым бөлігінде әлі де жауын-шашын күтілуде.
Таяудағы үш тәулікте Қазақстанның басым бөлігінде Атлантикалық циклонының ықпалымен тұрақсыз ауа райы сақталады, жауын-шашын (жаңбыр, қар), көктайғақ және тұман болжанады. 30 қазанда республиканың батысында қатты жаңбыр жауады, сонымен қатар жел күшейеді деп күтілуде. Температуралық режимде айтарлықтай өзгерістер болжанбайды, - делінген хабарламада.
Фото: BAQ.KZ архив
