— Тәуелсіз еліміздің бүгіні нығайып, көркеюіне асыл аналарымыз, ардақты апаларымыздың өлшеусіз үлес қосқандығы ақиқат. Қуанышы мен шаттығы мол мерекеге орай өмірімізге мән, тіршілігімізге сән сыйлайтын әйелдерді мерекемен құттықтай отырып, отбасыларыңызға амандық, шаттық пен бақ-береке тілеймін, — деді шаруашылық директоры Жеңісбек Шәкімбайұлы.

Бала тәрбиелеуде ғана емес, білім мен саясатты, экономикалық және әлеуметтік ахуалдарды жақсартуда ер азаматтармен иық тірестіре еңбек етіп жүрген қыз-келіншектер бүкіл халқымыздың мақтанышы.

Қай салада болмасын әйел затының аялы алақаны сезіледі. Ондай қыз-келіншектер біздің ауылымызда да қажырлы еңбек етіп келеді.

Мерекелік кеште әннен шашу шашылып, ұжым жігіттерінің ұйымдастырған арнайы сыйлықтары табысталды.