Сапалы әрі әдемі маникюр – бұл әр қыздың визит картасы. Және тек лак пен түс таңдау емес. Тырнақ формасын дұрыстау. Тырнақ формасының ең көп тараған стандартты формасы – сопақ. Ал биыл қандай формалардың сәнге айналатынын саралайық.
 
Қысқа тырнақтар


 
Ультрақысқа тырнақ пластиналары 3 мм дейін болуы керек. Бұл сән үшін ғана емес, өте ыңғайлы да. Ұзын тырнақ сияқты компьютермен немесе смартфонмен жұмыс істегенде кедергі жасамайды. Оған қоса қысқа тырнақтар саусақтарыңызды салалы етіп көрсетеді. 5 мм тырнақ саусағыңызды «ұзартады».
  
«Жұмсақ кавдрат»


 
Қыз-келіншектердің көпшілігіне әдемі жарасатын тырнақ формасы «жұмсақ квадрат». Ол қолды ұқыпты көрсетеді. Бұл формаға да 5 мм ұзындық жеткілікті.
 
Сүйір формадағы тырнақтар


 
Бұл қай кезде де сәннен қалмаған форма. Саусақтарды әлдеқайда ұзын етіп көрсетеді. Әйгілі Рианнаның да тырнағының формасы осындай.
 
Квадрат формалар
 
Бұл форма саусағы салалы, жіңішке жандарға жарасады. Басқаларынікін дөрекі етіп көрсетеді. Бірақ бұл форманың қиындығы да жоқ емес. Өскен кезде күту қиын. Саусақтың етіне батуы мүмкін. Әлденені іліп, теріңізді жырып кетуі мүмкін. Сондықтан күте білу керек. Бір жақсысы, осының амалын білсе, апта сайын шеберге барудың қажеті болмайды. Тек егеумен шетін тегістеп отыру қажет. Квадрат формаларда қою түсті француз маникюрі әдемі көрінеді. Әсілі қысқа тырнақтардың өзі қою түстерге қолайлы.
 
Сопақ форма


 
Тырнақ әлемінде ең танымал форма. Талғамды көрінеді. Сопақ тырнақты қыз-келіншектердің көбі жақсы көреді. Сондай-ақ сопақ тырнақ қолға нәзіктік береді. Және маникюрдің кез келген түрін жасауға ыңғайлы.