Зират басына тастап кеткен сәбидің қайтыс болу себептері анықталмады. БҚО ішкі істер департаментінің баспасөз қызметі баланың өлімінің себебін анықтау үшін сот-медициналық сараптама тағайындалғанын хабарлады.

Бұл туралы БҚО ішкі істер департаментінің баспасөз қызметі хабарлады, деп жазады Stan.kz ақпараттық агенттігі.
«Жаңа туған баланың денесі табылғаннан кейін Орал ІІБ-ның тергеу бөлімшесі ҚР Қылмыстық кодексінің 100-бабы «Жаңа туған нәрестені анасы өлтірген» бойынша алдын-ала тергеуді бастады»,- делінген БҚО ішкі істер департаментінің баспасөз хабарламасында.
Баспасөз қызметі 2017 жылы және 2018 жылдың басынан осы бап бойынша алдын ала тергеу жүргізілген жоқ деп түсіндірді.
Естеріңізге сала кетейік, 5 наурыз күні сағат 19.00-де Деркул ауылындағы зиратта жаңа туылған баланың денесі табылған. Тастанды шақалақтың денесін мектеп оқушылары кездейсоқ тауып алған.