Алғашқы дауыс беруші
№63 референдум учаскесі ресми түрде ашық деп жарияланған соң, дауыс берушілердің алғашқы легін бастап кент тұрғыны, көп жылдар бойы ағарту саласында қызмет еткен 82 жасқа қараған ардагер ұстаз Тасболат Ерғараев келді.- «Бүгін елімізде орын алып жатқан саяси реформаға өз үлесімді қоссам деген ниетпен, ертемен келіп Жаңа Қазақстан құру жолындағы таңдауымды жасадым. Келешек жастардың қолында. Ел тарихындағы осындай саяси оқиғаның қатысушысы болғаныма, ел болашағы үшін жасалып жатқан реформаға өз даусым арқылы үлес қосқаныма қуаныштымын. Елеулі өзгерісті қалайтын, ел тағдырына алаңдайтын барлық азаматтарды, жастарды бүгінгі шарадан қалыс қалмауға шақырамын!» – дейді ардагер ұстаз.
Осы орайда елден ерте тұрып, маңызды істен қапы қалмағаны үшін ардагер ұстаз Тасболат Ерғараевқа, алғашқы дауыс берушілердің қатарынан табылған қазалылық кәсіпкер Мерей Есқожаевқа және өзге де тұрғындарға арнайы сыйлықтар тарту етілді.
