Ұшақ апатынан көз жұмғандардың есімі белгілі болды

Ұлттық қауіпсіздік комитеті әскери борышын атқару кезінде қайғылы жағдайда қаза болған әскерилердің аты-жөндерін жария етті, деп хабарлайды Egemen.kz

Олар:

- авиация бөлімінің штурманы, 1984 жылы туған майор Ғабит Есімдеұлы Барлықбаев;

- авиация бөлімінің ұшу тобының борт технигі, 1985 жылы туған капитан Досжан Ғалымбекұлы Баймұратов;

- авиация бөлімінің ұшу тобы экипажының штурманы,1994 жылы туған аға лейтенант Мұхтар Қажымұқанұлы Сағымбаев;

- авиация бөлімінің ұшу тобының аға борт механигі, 1985 жылы туған сержант Васильков Евгений Борисович.

Зардап шеккен екі экипаж мүшесіне операция жасалды. Дәрігерлер олардың қазіргі жағдайын өте ауыр деп отыр. Науқастардың бірі жасанды тыныс алу аппаратында жатыр.