736 заңбұзушылық анықталды
Қызылорда облысында үстіміздегі жылдың 5 шілдесінен бастап мониторингтік топ бақылау жұмыстарын жүргізді. Нәтижесінде 736 заңбұзушылық анықталды. Карантин талаптарын бұзушылықтың басым бөлігі үй жағдайында көпшілік жиын ұйымдастыру және қоғамдық тамақтану орындары мен азық-түлік сауда үйлеріне қатысты тіркелген. Оның ішінде, 722-і жеке тұлғаға, 14-і жеке кәсіпкерлікке қатысты хаттама толтырылып, айыппұл салынды.
Халыққа қызмет көрсету орындарындағы карантин талаптарын бұзушылықтың басым бөлігі санитариялық талаптардың сақталмауына қатысты, яғни қызметкерлер маскасыз, қорғаныш қолғаптарынсыз қызмет көрсеткен. Сонымен қатар, шекті уақыттан асырып жұмысын жалғастырған нысандар да бар.
Атап айтқанда, 257 дерек маска тағу ережесін бұзған және әлеуметтік арақашықтықты сақтамаған, 58-і жұмыс жасау уақытының шектелуі, 29-і тыйым салынған нысанның қызмет көрсетуі, 14-і залалсыздандыру талаптарының сақталмауы бойынша бұзушылық орын алды.
