Құқықтық оқыту өткізілді

Жақында аудандық қаржы бөлімінде сыбайлас жемқорлықтың алдын-алу бойынша заңдық сауаттылықты арттыру мақсатында құқықтық оқыту өткізілді. Құқықтық оқытуға бөлімнің мемлекеттік қызметшілері мен әдіскерлері қатысты.

Күн тәртібінде сыбайлас жемқорлыққа қарсы күрес жұмыстарын ұйымдастыру және сыбайлас жемқорлыққа жағдай туғызатын құқық бұзушылықтардың алдын алу жұмыстары және Әдеп нормалары туралы аудандық қаржы бөлімінің бас маманы Б.Құлмақов хабарлама жасады.

Сыбайлас жемқорлықтың алдын алу еліміздің ұлттық саясатының басым бағыттарының бірі болып табылатыны баяндалып, осындай кеселдің алдын-алу мемлекеттік қызметшілердің міндеті мен парызы екендігі айтылды.

Құқықтық оқыту соңында бөлім басшысы А.Есмағанбетова бөлімнің мемлекеттік қызметшілері мен әдіскерлеріне бірқатар нақты тапсырмалар берді.