Ауа-райының күрт өзгеруіне байланысты әр түрлі жарақат алып аурухананың травматологиялық бекетіне келіп түсіп жатқан науқастар саны артып келеді.
Қызылорда қалалық ауруханасының травматологиялық бекетіне 20 ақпан күні кешкі 20:00-ден бастап өздігінен 5, жедел-жәрдем арқылы 3, барлығы 8 науқастың, 6-ы көшеде жарақат алса, 2-і үй жағдайында жарақат алған. Ауруханаға жатқызылғандар жоқ.
Ал 21 ақпан және 22-ші ақпанға қараған түнде ауруханаға әр түрлі жарақат алып 48 өздігінен, 17 жедел-жәрдем арқылы, яғни барлығы 65 науқас келіп түскен.
Оның 40-ы көшеде жарақат алса, үй жағдайында 20, спорттық жағдайда 2 және жол-көлік оқиғасынан 3 адам жарақат алған. Бекетке келіп түскен 65 науқастың 4-еуі ауруханаға жатқызылса, 61-і үйлеріне қайтарылған.