Сырдарияда індеттен жазылғандар саны 19-ға жетті

Қызылорда облысында коронавирустық инфекциядан жазылған науқастардың саны 110 адамға жетті, – деп хабарлайды Kyzylorda-news.kz. Індеттен айыққандардың қатарына соңғы қосылған науқастар – Сырдария және Шиелі ауданының тұрғындары.

27 сәуір 17:05-тегі ақпарат бойынша Қызылорда облысында тағы 2 адам қауіпті індеттен жазылып шыққан. Олар – Сырдария және Шиелі аудандарынан.

Осылайша коронавирустық инфекциядан жазылғандар саны өңірде 110 адамға жетіп отыр.

Аталған науқастардан 2 реттен сынама тест алынып, бәрі теріс мәнді нәтиже көрсеткен.

Олар алдағы 14 күнде дәрігерлердің бақылауында болады.

 Осы мезетте  Сырдария ауданында індеттен жазылғандар саны 19-ға жетті. Біз бұған дейін 26 науқастың 18-і жазылғандығын хабарлаған болатынбыз.