Сырдария ауданында індеттен 12 адам айықты

Сырдария ауданында коронавирустық инфекциядан жазылған науқастардың саны 12 адамға жетті.  
26 сәуір 12:45-тегі ақпарат бойынша 5 науқас қауіпті індеттен айыққан. Осылайша коронавирустық инфекциядан жазылғандар саны ауданда 12-ге жетіп отыр.
Айта кетейік, бүгінгі күнге дейін Қызылорда қаласында – 12, Арал ауданында – 2, Қармақшы ауданында – 4, Сырдария ауданында – 12, Шиелі ауданында – 51, Жаңақорған ауданында – 17 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.