Жұмыстарына кірісетін мекемелердің тізімі жасақталады
Мемлекеттік комиссияға елорданың үлгісімен еліміздің барлық аймағында өз жұмыстарына кірісетін мекемелердің тізімін жасау тапсырылғаны жөнінде Мемлекет басшысы Қасым-Жомарт Тоқаев бүгін Қазақстан халқына арналған кезекті мәлімдемесінде хабардар етті. – Бірінші кезекте өнеркәсіп кәсіпорындары, құрылыс, жол құрылысы және көлік компаниялары, банктер және халыққа қызмет көрсету орталықтары жұмысқа кірісуі керек.
Бірақ барлық санитарлық нормаларды сақтап, жұмыс орындарында үнемі дезинфекция жүргізіп тұру қажет. Күнделікті өмірде әлеуметтік ара қашықтықты ұстанған жөн, – деді Мемлекет басшысы.
