30 наурызға арналған ауа-райы болжамы
30 наурыз күні республиканың басым бөлігінде жауын-шашынсыз ауа райы сақталады, деп хабарлайды baq.kz Атмосфералық фронттардың өтуіне байланысты тек оңтүстік-батыста күндіз жаңбыр жаууы мүмкін. Өңірлерде тұман, екпінді жел сақталады, оңтүстікте сондай-ақ шаңды дауыл болады.
"Қазгидромет" РМК мәліметінше, Қызылорда облысының кей жерлерінде шаңды дауыл күтіледі, 15-20 м/с желдің екпіні 23 м/с күшейеді.
Шығыс Қазақстан, Қарағанды облыстарының кей жерлерінде тұман болжанады.
Қарағанды облысының күндіз кей жерлерінде жел 18 м/с артады.
Жамбыл, Түркістан, Маңғыстау, Атырау облыстарының кей жерлерінде желдің күші 15-20 м/с жетеді.
Күндіз Ақтөбе облысының кей жерлерінде 16 м/с екпінде жел тұрады.
