Тіршілік тынысы Tirshilik-tynysy.kz ақпараттық агенттігі
» » Қазақ әдебиеті классиктерінің шығармалары Вильнюс кітап көрмесінде ұсынылды

Қазақ әдебиеті классиктерінің шығармалары Вильнюс кітап көрмесінде ұсынылды

Қазақ әдебиеті классиктерінің шығармалары Халықаралық Вильнюс кітап көрмесінде ұсынылды, деп хабарлайды BAQ.KZ ҚР СІМ баспасөз қызметіне сілтеме жасап.


23-ші Халықаралық Вильнюс кітап көрмесінде Мұхтар Әуезовтің «Абай жолы» роман-эпопеясы, Әнуар Әлімжановтың «Ұстаздың оралуы» романы, сондай-ақ литва тіліне аударылған және Қазақстанның Литвадағы Елшілігі мен «Жара» баспасымен шығарылған қазақ халық ертегілерінің жинағы ұсынылды.

Көрмеге келушілер Қазақстан әдебиеті классиктерінің шығармаларын аудару және қайта басып шығарудағы орасан зор жұмысты атап өтіп, ұсынылған кітаптарға қызығушылық танытты. Елшілік пен «Жара» баспасы бірлесіп жүргізіп жатқан жұмыстар литвалық оқырмандардың қазақ халқының мәдениеті мен тарихы, оның жаны мен тағдыры туралы білімдерін кеңейтуге бағытталған.

«Абай жолы» романының қайта басылу тарихын еске түсіре отырып, литвалық баспагер Айдас Жандарис қазақтың көрнекті суретшісі Евгений Сидоркиннің отбасы кітапта 1960 жылы романның бірінші басылымына арнайы жасалған әйгілі графиканың түпнұсқа иллюстрацияларын пайдалану мүмкіндігін қалай ұсынғаны туралы айтып берді.
26 ақпан 2023 ж. 279 0