Қазақстандық Дамир Ысмағұлов UFC аралас жекпе-жектегі үшінші жеңісіне қол жеткізді, деп хабарлайды Stan.kz ақпарат агенттігі.

Ол 31 тамыз күні Қытайдың Шэньчжен қаласында өткен UFC Fight Night 157 турнирінде бақ сынасты. Оның қарсыласы бразилиялық Тиаго Мойзес болды.
Жекпе-жек үш раундқа созылып, Ысмағұлов төрешілердің бірауыздан шыққан шешімімен жеңіске жетті. 
28 жастағы Ысмағұлов осы күнге дейін кәсіби карьерасында 20 жекпе-жек өткізіп, оның біреуінде ғана жеңілген. Ал 24 жастағы Мойзес кәсіби карьерасында 16 жекпе-жек өткізген. Енді оның қоржынында 12 жеңіс пен 4 жеңіліс бар.