Ақ Олимпиада тарихы: Қазақстан қанша медаль еншіледі
XXV қысқы Олимпиада ойындары бүгін Италияның Милан және Кортина-д’Ампеццо қалаларында ресми жалауын көтереді. Қазақстан тәуелсіз ел ретінде өз тарихында тоғызыншы рет қысқы Олимпиада ойындарына қатысқалы отыр. Осы орайда, Kazinform тілшісі еліміздің ақ Олимпиада тарихына көз жүгіртіп көрді. KAZINFORMҚазақстан тәуелсіздігін алғаннан кейін алғаш рет 1994 жылғы Лиллехаммерде (Норвегия) өткен қысқы Олимпиада ойындарына қатысты. Байрақты бәсекеде Владимир Смирнов 3 медаль еншілеп, Қазақстан құрамасы жалпы есепте 12-орыннан көрінді.
Отандасымыз шаңғы жарысынан 50 шақырым қашықтықты жүріп өтіп, мәреге бірінші болып келді. Бұл жеңіс Қазақстан ақ Олимпиада тарихындағы алғашқы, әрі осы уақытқа дейінгі бірден-бір Олимпиада алтыны.
