Португалиялық футболшы Криштиану Роналду салықтан жалтарғаны үшін екі жыл шартты мерзімге сотталды.
Бұған қоса «Реал Мадрид» командасының ойыншысы 18 миллион 800 мың еуро көлемінде айыппұл төлеуі тиіс. «Эль Мундо» басылымының дерегі бойынша, ол тағылған кінәні толығымен мойындаған. Оған мемлекеттен 14 жарым миллион еуро жасырды деген айып тағылып отыр. Егер де спортшы осы уақыт ішінде заңды қайта бұзса, онда түрмеге қамалады.