Шахмат: Блиц-шахматтан екі дүркін әлем чемпионы Бибісара Асаубаева Шымкентте өткен Гран-при жарысының екінші кезеңінде қола жүлдегер атанды. Ол 9 турда 2487 ұпай жинады.

⠀

Шайбалы хоккей: Алматыда шайбалы хоккейден алғаш рет ұйымдастырылған Азия чемпионатында Қазақстан құрамасы топ жарды. Шешуші матчта жерлестеріміз Жапониядан 5:1 есебімен басым түсті.

⠀

Үстел теннисі: Италияның Линьяно қаласында өткен WTT Youth Contender Lignano 2024 халықаралық турнирінде Жәния Бекмұхамбетова қола жүлдегер атанды. Ол 13 жасқа дейінгі ойыншылар арасында сынға түсті.

⠀

Сондай-ақ Алан Құрманғалиев Мажарстанның Сомбатхей қаласындағы WTT Youth Contender Szombathely 2024 халықаралық турнирінде үшінші орынды еншіледі.

⠀

Жүзу: Гонконгта ашық айдында жүзуден Азия чемпионатында отандасымыз Лев Черепанов мәрені үшінші болып кесіп, қола жүлдегер атанды.

⠀

Триатлон: Сауд Арабиясының Әл-Джубаил қаласында өткен U23 жас санатындағы Азия чемпионатында жерлестеріміз 1 күміс, 1 қола медаль иеленді.

⠀

Арбадағы теннис: Грекияның Месин қаласында ұйымдастырылған ITF Wheelchair Tennis Tour турнирінде Жанна Үмітқұлова күміс жүлде олжалады.

⠀

Самбо: Спорттық, жауынгерлік және зағип жандар бойынша ересектер арасында Елордада өткен әлем чемпионатында Қазақстан құрамасы 3 алтын, 5 күміс, 9 қола медальдармен жалпыкомандалық есепте 2-орынды еншіледі.