Қазақстан бокс федерациясы World Boxing құрамына кірді
Ұлттық олимпиадалық комитет мұндай шешім АҚШ-тың Колорадо-Спрингс қаласында өткен World Boxing халықаралық бокс федерациясының Конгресінде жария етілгенін атап өтті, деп жазады Egemen.kz.Бүгінде World Boxing (WB) ұйымына 55 ел кіріп отыр.
Конгрессте турнирлерді жаңа салмақ дәрежелерінде өткізу туралы ұсыныс қабылданды. Сондай-ақ, төрешілердің жекпе-жек барысындағы және жеңімпаздарды анықтау кезіндегі жұмысына да өзгерістер енгізілді.
World Boxing Олимпиадалық комиссиясының төрағасы Геннадий Головкин Конгресс қатысушыларының алдында сөз сөйледі.
Конгресс барысында Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге өтінім берген. Әлемдік ұйымның шешімі жақын арада белгілі болады.
Айта кетейік, World Boxing халықаралық бокс федерациясы 2023 жылдың сәуір айында құрылған.
Фото: Владислав Воднев
