Биыл 16 қыркүйекте өткен жекпе-жекте қос спортшы тең түсіп, Головкин WBC, WBA (Super), IBF және IBO титулдарын қорғап қалды.
Өткен кездесуде Альварес Winning қолғабын киіп жұдырықтасқан. Ал аталған кездесуге дейін ол тек Everlast бренді шығаратын қолғаптарды киетін. Winning қолғаптарының құрамында қолды қорғап тұратын сұйықтық бар. Осының арқасында аталған бренд нарықта танымал.
Дереккөзінің хабарлауынша, Альварес лагерь кезіндегі жаттығудан жарақат алып, жекпе-жектен кейін қолына ота жасалған. Дәрігерлер спортшының кей сүйегін алып тастаған екен.
Compubox статистикалық мәліметтеріне сүйенсек, соңғы кездесуде Альварес қарсыласына 505 соққы жұмсап, оның 169-ы дәл тиген. Ал Головкиннің 703 соққысының 218-і дәл тиген.
Мұнымен қатар, 2016 жылдың қыркүйек айында Альварес Лиам Смитті нокаутқа түсіремін деп бас бармағын сындырған болатын.