Осы айдың 8-13 күндері елордада дүркіреп өткен 5-ші Дүниежүзілік көшпелілер ойындарына жалпы саны 499 бас жылқы қатысқан. Оның ішінде 100 бас - ұлттық құраманың жылқысы. Ойындарды ұйымдастыру дирекциясы жылқысыз келген өзге елдердің қатысушылары үшін 300 бас жылқыны жалға алған. Сондай-ақ Қырғыз Республикасы – 91, Өзбекстан Республикасы – 8 бас жылқы әкелді.

Сонымен қатар жарыстарға 41 құс қатысқан. Оның ішінде 9 бас - ұлттық құрамаға, 8 бас - Қырғыз Республикасына тиесілі. 24 бас құсты өзге елдер үшін Құсбегілік федерациясы ұсынған.