Олимпиадаға қатысатын ел боксшылары «Elorda Cup» турнирінде бақ сынайды
13-18 мамыр аралығында ерлер мен әйелдер арасында Elorda Cup ІІІ халықаралық турнирі өтеді, деп жазады Egemen.kz.Халықаралық турнирге Париж олимпиадасына жолдама жеңіп алған Қамшыбек Қоңқабаев, Асланбек Шымбергенов, Махмұд Сабырхан, Айбек Оралбай, Нұрбек Оралбай, Сәкен Бибосынов т.б. боксшылар да қатысады.
Elorda Cup ІІІ былғары қолғапшылар бәсекесіне әлемнің 9 елінен келген спортшылар шеберлік байқасады.
Турнир 13-18 мамыр аралығында күн сайын 12:00-де басталады. Жанкүйерлер сайысты «Beeline arena» спорт кешеніне барып тамашалай алады. Elorda Cup ІІІ бокс бәсекесінен Qazsport телеарнасы тікелей трансляция ұсынады.
Фото: olympic.kz
