Қазақстандық спортшы джиу-джитсудан әлемнің екі дүркін чемпионы атанды

Қазақстандық спортшы Мөлдір Мекенбаева Абу-Дабиде джиу-джитсудан өткен әлем чемпионатында алтын медаль жеңіп алды, деп хабарлайды Egemen.kz.

Ол неваза бөлімінде 52 килоға дейінгі салмақ дәрежесінде үздік атанды. Осылайша Мөлдір екі дүркін әлем чемпионы атанып отыр. Турнир барысында отандасымыз Корея, Филиппин және Вьетнам спортшыларын жеңіп, бірде-бір ұпай берген жоқ.

Айта кетейік, Мөлдір Мекенбаева Қазақстан спортшылары арасында джиу-джитсудан алғаш болып қара белбеуге қол жеткізді.