Мәскеуде Қазақстан мен Ресейдің қорғаныс министрлері кездесті

Кездесу барысында әскери саладағы екіжақты ынтымақтастық талқыланды, деп хабарлайды «Хабар 24».

Мәскеуде Қазақстанның қорғаныс министрі Руслан Жақсылықов ресейлік әріптесі Сергей Шойгумен кездесті.

Шара ТМД мемлекеттері Қорғаныс министрлер кеңесінің отырысы шеңберінде өтті. Атап айтқанда, кадрларды даярлау және әскери-техникалық ынтымақтастық мәселелері бойынша сөз қозғалды. Сонымен қатар тараптар Орталық Азия өңіріндегі сын-қатерлер мен қауіптерге қатысты пікір алмасты. Сергей Шойгу Ресей мен Қазақстанның әуе шабуылына қарсы бірыңғай қорғаныс жүйесін жетілдіруге шақырды.