Тіршілік тынысы Tirshilik-tynysy.kz ақпараттық агенттігі
» » Екі ел арасында ынтымақтастық жанданады

Екі ел арасында ынтымақтастық жанданады

Мемлекет басшысы Қасым-Жомарт Тоқаев Германияға ресми сапармен барып, екі ел арасындағы экономикалық ынтымақтастық пен саяси ықпалдастыққа жаңа серпін беруге ықпал етті. Қазақстан Президентін Германия Федеративтік Республикасының Канцлері Ангела Меркель күтіп алды.
Іссапарда Қазақстан Президенті мен Гер­­­­мания Канцлері БАҚ өкілдері үшін бір­­­лес­кен баспасөз мәслихатын өткізді. Қа­­­­­зақстан Президенті Германия Канц­лері­не қонақжайлық көр­сеткені үшін риза­шы­лығын білдіріп, Меркель ханымның екі ел арасындағы дос­тық байланыс­тар­ды нығайтуға қос­қан үлесін жоғары баға­лайтынын айтты. Мемлекет басшысы ал­дағы уақытта Қазақстан өзінің сыртқы сая­­сатын­дағы сабақтастықты сақ­тап, Тұңғыш Президент – Елбасы Н.Ә.Назар­баев­тың бас­тамаларын жалғастыра бе­ре­тінін атап өтті.
Қасым-Жомарт Тоқаев Президент ре­тін­де Еуропа Одағы бойынша алғашқы ресми сапарын Германиядан бастағанын айтып, Қазақстан үшін осы елмен ынты­мақтастықты нығай­тудың маңызы зор еке­ніне тоқталды.
– Германия экономикалық әлеуеті жа­ғы­нан әлемдегі төртінші мемлекет болға­нымен, бізге тікелей инвестиция салып отырған елдердің ішінде 12 орында. Қазақстан әртүрлі саладағы 700-ден астам жобаны жекешелендіретін болады. Бұл не­міс инвесторлары мен компанияларына жақ­сы мүмкіндік туғызады деп санаймын. Неғұрлым инвестиция көп тартылса, соғұрлым екі ел үшін де тиімді болмақ, – деді Мемлекет басшысы.
Сонымен қатар Қ.Тоқа­ев Қазақстанның Германия инвесторла­ры үшін арнайы жеңілдіктер ұсынып отыр­ғанын, бұл екі тарапқа да өте тиімді болатынын айтты.
Германия Федеративтік Республи­касы­ның Канцлері Ангела Меркель Қа­зақстанмен арада берік ынты­мақ­­тас­тықтың орнағанын, Елбасы Нұрсұлтан Назарбаевпен өзара түсініс­тікте жұ­мыс істегенін атап өтіп, Қ.Тоқаевтың екі ел ара­сын­дағы ықпалдастықты жаңа дең­гейге көтере­тініне сенім білдірді, сондай-ақ екі тарап келіссөздерінің нәтижелі өтке­нін айтты.
Мемлекет басшысы Берлинге сапары барысында неміс бизнесінің бірқатар өкілімен кездесті.
«CLAAS Group» компаниясы Бақылау ке­ңе­сінің төрағасы Катрина Клаас-Мюль­хой­зермен кездесу барысында бір­лескен инвестициялық жобаларды жүзеге асы­ру мәселелері талқыланды.
– Біздің негізгі стратегиямыз – елі­мізге тартылатын инвестицияларды әрта­раптандыру. Инвестиция тұрғысынан Гер­манияның негізгі стра­тегиялық серіктесі болғымыз келеді, – деді Қасым-Жомарт Тоқаев.
Катрина Клаас-Мюльхойзер Қа­зақ­с­тан­ның ірі компаниялармен ғана емес, сондай-ақ, орта деңгейдегі ком­пания­лармен де ынтымақтастық орнатуға ниет­ті екеніне ризашылық білдірді.
«Linde AG» компаниясының ат­қару­шы вице-президенті Кристиан Брухпен кездесу барысында кәсіп­орынның Қазақстанда жүзеге асырып жатқан инвестициялық жобалары мен алдағы жоспарлары туралы сөз болды.
Қазақстан Президенті «Schaeffler Group» компаниясының Бас директоры Клаус Розенфельдпен кездесу кезінде өзара ынтымақтастықтың перспективала­рын талқылады. Ав­то­мо­биль жасау, өнер­кәсіп және ғарыш са­лалары бо­йынша қосалқы бөлшек­тер шығаратын кәсіпорын басшысы Клаус Розенфельд Қасым-Жомарт Тоқаевқа өндірістік және инвестициялық мүмкіндіктері туралы мәлімет берді.
«Siemens Healthineers» компания­сы­­ның Бас директоры Бернд Монтаг Мем­лекет басшысына мемлекеттік-жекеменшік әріптестік негізінде салынатын онкологиялық орталықтың жобасын ұсынды. Кәсіпорын басшысы еліміздің өндірістік әлеуетін арттыруға септігін тигізетін ұзақ мерзімді ынтымақтастық орнатуға ниетті екенін айтты.
Берлинде Қасым-Жомарт Тоқаев Қауіпсіздік жөніндегі Мюнхен конфе­ренциясының төрағасы Вольфганг Ишингермен кездесу өткізді.
Қазақстан Президенті Германия бас­шылығымен жүргізілген келіс­сөз­дердің нәтижелеріне тоқталып, Қазақстан нары­ғына неміс бизнесін, технологиясы мен инвестициясын тар­тудың маңыздылығы жөнінде айтты.
Вольфганг Ишингер келесі жылы өтетін кезекті Мюнхен конференциясына дайындық барысы туралы мәлімет беріп, Қазақстан Президентін аталған беделді жиынға қатысуға шақырды. Сонымен қатар тараптар халықаралық күн тәртібіндегі өзекті мәселелер жөнінде пікір алмасты.
Еуропа еліне сапары барысын­да Мемлекет басшысы Берлин еура­зия­лық клу­бының 28-отырысына қатысып, оның ма­ңыздылығын атап өтті. Сондай-ақ Гер­манияның бірқа­тар бизнес өкілімен және Фраунхофер институтының сыртқы байланыс­тар бө­лімінің директоры Йенс Нойге­бауэрмен кездесіп, тараптар бі­лім беру саласындағы ынтымақтастық мәселелерін талқылады.

Аkorda.kz
10 желтоқсан 2019 ж. 688 0