Кеңес әскерлерінің Ауғанстан жерінен шығарылғанына 35 жыл

Бүгін аудандық жастар ресурстық орталығында Кеңес әскерлерінің Ауғанстан жерінен шығарылғанына 35 жыл толуына орай «Ауғанның отты жылдары» атты ардагер-жауынгерлерімізбен кездесу кеші өткізілді.

Кештің мақсаты ауған соғысы ардагерлеріне құрмет көрсету, жастарға патриоттық тәрбие беру болып табылады.

Кездесуге Сырдария аудандық «Ауғанстан соғысы ардагерлері қоғамдық бірлестігінің» төрағасы Нарымбетов Жұмаділда Оспанұлы мен Арғынбаев Гәрімжан Назарұлы қатысып, Ауғанстандағы әскери қызметі туралы естеліктермен бөлісті. Кездесу барысында "Жас құтқарушы" мен "Жас сарбаз" ұйым өкілдері қатысып, ардагерлер автоматты бөлшектеу және жинау бойынша сынға түсті.

Жас буынға ауған ардагерлерінің өжеттігін үлгі ету, ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу әрқайсымыздың қасиетті борышымыз.