Құқықтық тәртіп – заң бұзушылықтың алдын алады

Ағымдағы жылдың 12-15 желтоқсан күндері аудан көлемінде «Құқықтық тәртіп» жедел-профилактикалық іс-шарасы өткізілуде.

Аталған іс-шараның негізгі мақсаты қоғамдық тәртіпті сақтауды жіті қадағалау, қоғамдық орындардағы құқық бұзушылықтар мен қылмыстардың алдын алу және қоғамдық қауіпсіздікті қамтамасыз ету болып табылады. Жекелеген қылмыстардың алдын-алу мақсатында аудандық полиция қызметкерлері түсіндірме жұмыстарын жүргізіп, әкімшілік аймақтарындағы профилактикалық есепте тұрған тұлғаларды тексере отырып, әкімшілік учаскелерді аралап тексеру жұмыстары атқаруда. Алдағы күндері құқықтық-тәртіп шаралары күшейтіліп, заң бұзушылықтарды болдырмауға аудандық полиция бөлімі тарапынан жіті көңіл бөлінеді.

Осы ретте «Құқықтық тәртіп» жедел-профилактикалық іс-шарасына аудан тұрғындары бірауыздан үн қосып, заң бұзушылықтарды алдын алуға шақырамыз!