СЫР АҒЫП ЖАТЫР
Сыр ағып жатыр,Сыр ағып жатыр,
Сыр ағып жатыр ақырын.
Тулайды-ай толқын,
Қинайды-ай сол күн,
Аңсадым сені, аһ, ұрдым.
Сыр ағып жатыр,
Сыр ағып жатыр,
Сыр ағып жатыр тоқтаусыз,
Күнім жоқ менің,
Түнім жоқ менің,
Өзіңді өткен жоқтаусыз.
Сыр ағып жатыр,
Сыр ағып жатыр,
Сыр ағып жатыр тұп-тұнық.
Қимаймын сені,
Ойлаймын сені,
Жанарға мөлдір шық тұнып.
Сыр ағып жатыр,
Сыр ағып жатыр,
Сыр ағып жатыр мөп-мөлдір,
Шуақ-нұр төккен,
Оралмас көктем,
Арман-ау бізге тәтті өмір.
