Алматыдағы Мақатаев көшесіне бір жақты жол қозғалысы енгізілді

Алматыда бір жақты жол қозғалысты жаңа көше пайда болды. Бұл Мақатаев көшесінің Қалдаяқовтан Мұқановқа дейінгі аралығы. Қозғалыс тек батыс бағытқа қарай жүруге өзгертілді. Жол жөндеушілер сондай-ақ Гоголь көшесін де бір жақты етіп дайындауға кірісіп кетті. Бұл көшенің өзге көшелермен қиылысына жаңа жол белгілері қойылды.
Бұған дейін Жамбыл және Бөгенбай батыр көшелерінің бір жақты жол қозғалысына өзгертілгендігі және 5 тамызға дейін бұлардың қатарын Гоголь, Шәріпов, Мұратбаев, Қабанбай және Қарасай батыр көшелері де толықтыратыны хабарланған.