Осы ретте, аудандағы эко­ло­гиялық ахуал, атқарылған жұмыстар мен алдағы жос­парлар кеңінен талқыланды. Сонымен қатар экология сала­сындағы өзекті мәселелер, қал­дықтарды дұрыс басқару және су айдындарының таза­лығын сақтау бағытындағы жұмыстарға ерекше назар аударылды.

Мәліметтерге сәйкес 2025 жылы «Таза ауа» іс-шарасы ая­сында 108 автокөлікке зерт­хана­лық бақылау жүргізіліп, нормативтен асқан шығарындылары бар көлік иелеріне әкімшілік шара қолданылды. Қазақстан – Өзбекстан бірлескен жұмыс жоспары аясында Сырдария өзенінен тоқсан сайын 7 нүктеден алынған сынамалар нәтижесінде негізгі ластаушы заттардың нормативтен асуы тіркелмеді.

Экологиялық рұқсат беру мерзімі заңда белгіленген 45 жұмыс күнінен 2025 жылдың қоры­тындысында орта есеппен 31 жұмыс күніне дейін қысқарды. Ал алдын ала сараптама жүргізу кезеңі 3 жұмыс күнінде аяқталды. Экологиялық қауіптілігі жоғары объектілер бойынша 3 жобалық құжаттама сарапшылық кеңес отырысында қаралды.

Сонымен қатар 2025 жылы облыс бойынша берілген шыға­рындылар лимиті 47,6 мың тоннаны құрап, 2024 жылмен салыстырғанда 1500 тоннаға төмендеді. «Таза Қазақстан» онлайн платформасы және TazaQazBot телеграм-чат-боты арқылы тұрғындардың ком­муналдық мәселелер бойынша өтінім жолдау мүмкіндігі іске қосыл­ғандығын айтты.

– Қоршаған ортаны қорғау – біздің ортақ жауапкершілігіміз. Бұл бағытта облыс бойынша жүйелі жұмыстар атқарылып ке­леді. Экологиялық қауіпсіздікті қамтамасыз ету, табиғи ресурс­тарды тиімді пайдалану, жасыл аймақты кеңейту – біздің басты міндеттеріміздің қатарында. Ауданда мұнай компаниялары көп орналасқаны жалпыға белгілі. Заңдылық сақтау мақсатында жиі тексеріледі. Заңнамаға сәйкес 2018 жылдан бастап аудан бойынша қашықтық мониторинг жүргізіліп отырады. Өңірде қоршаған ортаны қорғау, табиғи ресурстарды тиімді пайдалану және экологиялық мәдениетті арттыру бағытындағы жұмыстар жүйелі түрде жасалуда. Ауда­нымыздың экологиялық заң­бұ­зушылыққа әкеліп соқ­ты­ратын қоқыс үйінділерін көріп жатсаңыздар әлеуметтік желідегі арнайы чат ашылған сол жерге хабарласыңыздар. Қазір­гі таңда үлкен жүк көлігімен сынама алынып отырады. Соңғы 2 жылда Сырдария ауданында апаттық экологиялық жағдай орын алған жоқ. Жалпы Президент тапсырмасымен «Таза Қа­зақстан» экологиялық акциясы апта сайын жүргізіліп отыр,– де­партамент бас­шысының орын­­басары Алмас Ілиясұлы.

Аудан экологиясы – халық денсаулығы мен қоршаған орта­ның тазалығының бас­ты кепілі. Бүгінде аудан көле­мінде санитарлық тазалық жұ­мыстарын жүргізу, тұрмыстық қатты қалдықтарды реттеу, көше бойларын абаттандыру, ағаш көшеттерін отырғызу және су айдындарының таза­лығын сақтау бағытында жүйелі жұмыстар атқарылуда. Экологиялық мәдениетті қалып­тастыру мен табиғатты қорғау — баршаға ортақ міндет. Таза қоршаған орта тұрғындардың өмір сапасын арттырып қана қоймай, келер ұрпаққа аманат болатын асыл мұра болып саналады. Сондықтан әрбір тұрғын туған жердің тазалығына бей-жай қарамай, табиғатты аялауға және ауданның көркеюіне өз үлесін қосуы қажет.