Алғашқы күннен бастап 253 оқушы әскери тәртіпке үйреніп, жаттығу-далалық жиынның ережелерімен таныс­ты. Іс-шара­ның мақсаты – оқу­шыларға 30 сағат көлемінде әскери-так­тикалық практикалық сабақтар өт­кізу ар­қылы алғашқы әскери дайын­дық дағдыларын қалыптастыру және жас­өс­пірімдердің патриоттық рухын кө­теріп, Отанға деген сүйіспеншілігін арт­тыру, жауапкершілік пен тәртіпке баулу болып табылады.

Өз кезегінде аудандық қорғаныс істері жөніндегі бөлімнің басшысы Алияр Шаменов Аманкелді ауылын­дағы оқу-жаттығу далалық жиынының жұмысымен танысып, мектеп оқушы­ларына әскери қызметтің қыр-сырын түсіндірді.

– Сырдария ауданында ұйымдас­тырылған әскери оқу-жаттығу дала­лық жиыны – жас буынның әскери-патриоттық тәрбиесін күшейтуге, олар­дың жауынгерлік даярлығын же­­тіл­діруге бағытталған ма­ңызды шара­лардың бірі. Бұл жиын барысында қатысушылар алғашқы әскери дайындық бойынша алған теориялық білімдерін іс жүзінде сынап, далалық жағдайда әрекет ету, төтенше жағдайларда дұрыс шешім қабылдау, саптық және тактикалық дайындықтарын шыңдау мүмкіндігіне ие болды. Атап айтқанда, жас сарбаздар қару-жарақпен жұмыс істеу тәртібін меңгеріп, қауіп­сіздік талаптарын сақ­таудың маңыздылығын түсінді, әс­кери тәртіпке бағыну мен ұжымдық үйлесімділіктің мәнін терең ұғынды. Физикалық төзім­ділік, шыдамдылық және пси­хо­ло­гиялық дайындық се­кілді маңызды қасиеттерді да­мытуға ерекше көңіл бөлінді. Мұндай оқу-жаттығу жиын­дары жастардың Отан алдындағы жауапкершілігін арттырып қана қой­май, олардың бойында патриоттық сезімді қа­лыптастырып, елін, жерін қор­ғауға деген дайындықты нығай­тады. Бүгінгі күні қауіп­сіздік пен қорғаныс мәселесі аса өзекті еке­ні белгілі. Сон­дықтан да біз жас­тардың әскери даярлығын арттыру бағытындағы жұмыстарды алдағы уақыт­та да жүйелі түрде жалғастыра береміз. Жиынға қатысқан жастарға алғыс білдіремін. Олардың ынтасы мен жігері – еліміздің болашағының сенімді кепілі деп білемін, – деді Алияр Әлтайұлы.

Күні кеше оқу-жаттығу далалық жиы­нының жұмысы қорытындыланды. Аудандық қорғаныс істері жөніндегі бөлім басшысының орынбасары Диаз Мұстапаев пен білікті маман Жәнібек Еспанов соңғы күнгі жиында оқу-жат­тығудың сапалы өткізілуіне ерекше мән берді. Бұл ретте алғашқы әскери және технологиялық дайындық пәні­нің мұғалімдері іс-шараның сапалы өтуі үшін дайындық жұмыстарын жан-жақты пысықтаған.

– Оқу-жаттығу далалық жиыны – білім беру ұйымдарындағы әскери-патриоттық бағыттағы жұмыстың нақ­ты нәтижесін көрсететін маңызды алаң болды. Бұл іс-шара барысында оқушылар өз білімдерін сынап қана қоймай, тәртіп пен ұйымшылдықтың, жауапкершілік пен батылдықтың мәнін іс жүзінде сезінді. Далалық жағ­дайда өткен жаттығулар жас­өспірімдердің шыдамдылығын арттырып, кез келген жағдайда тез әрі дұрыс шешім қабылдай білу қабілетін дамытуға ықпал етті. Сонымен қатар олар бір-біріне сенім арту, ортақ мақсатқа жұмыла әрекет ету секілді маңызды қасиеттерді бойына сіңірді. Білім саласы үшін мұндай тәжіри­белік іс-шаралардың орны ерекше. Себебі мектеп қабырғасында берілетін тәрбиенің нәтижесі осындай ортада айқын көрінеді. Жастардың елге деген құрметі мен азаматтық ұстанымы дәл осындай сәттерде қалыптасады. Біз алдағы уақытта да оқушылардың жан-жақты дамуына бағытталған осын­дай тағылымды шараларды қол­дап, олардың сапалы өтуіне ықпал етуді жалғастырамыз. Басты мақсат – саналы, сергек, ел болашағына бейжай қарамайтын ұрпақ тәрбиелеу, – деді аудандық білім бөлімінің әдіскері Қайрат Рахманбердиев.