– Биыл ауданда 32064 гек­тарға егін егу жоспарлануда. Оның ішінде, күріш дақылы 17 000 гектарға егілетін болады. Бүгінгі күні ауыл шаруашылығы құрылымдарында жалпы – 4585 гектар ақ егіс егілді. Биылғы егіске 5000 тонна күріш тұқымы құйылып, қазіргі таңда 3289 тон­насы себу дәрежесіне жет­кізілді. Күріш егісіне қажетті ми­нералдық тыңайтқыштың кө­ле­мі 10 800 тоннаны құраса, бүгінге 9395 тоннасы сатып алын­ды. Көктемгі дала жұмыс­тарын жүргізуге барлығы 780 дана ауыл шаруашылығы техникасы қатысуда. Үкімет тарапынан көктемгі дала жұмыстарына қажетті 2825 тонна дизель оты­нының 1015 тоннасы шаруа­шылық құрылымдарына жет­кізілуде. Бүгінде «Қазсушар» РМК об­лыстық филиалымен 117 шаруа қожалық суға келі­сім­­шартқа отырды. Ауданда барлығы 91 дана насос қон­дырғысы бар. Оның ішінде 33 дана насос­ты ауылдық округ­тердегі үй іргесіндегі жерлер­ге және шаруашылықтар егін­ге 58 дана насосты пайда­ланатын болады, – деген бөлім басшысы азық-түлік бағасын тұрақ­тандыру бойынша атқарылып жатқан жұмыстарға да тоқталып өтті.

Екінші мәселе – төрт түлікті түгендеу және олардың арасында қауіпті жұқпалы аурулардың таралуының алдын алу шаралары бойынша аудандық вете­ринариялық стансасының басшысы Нұрлыбек Дәулетбаев баян­дады. Ол 2026 жылға аудан бойынша эпизоотияға қарсы 12 түрлі аса қауіпті ауруға қар­сы ветеринариялық-профи­лак­тикалық іс-шаралар жоспары бекі­тіліп, 3 айға межеленген көр­сеткіш 100 пайызға орын­далғанын айтып өтті. Сондай-ақ ауыл шаруашылығы жануарларын энзоотиялық ауруларына қарсы профилактикалық шаралар жүргізу мақсатында 6 түр­лі ауруға қарсы вете­ри­нариялық іс-шаралар жос­пары бекітіліп, соған сәй­­кес ветеринариялық-профи­лак­тикалық шаралар то­лық орындалғанын тілге тиек етті.

Өз кезегінде аудан басшысы сала мамандарына тиісті жұмыс­тардың уақытылы әрі сапа­лы орындалуы керектігін тап­сырды. Және МӘМС, мер­зім­ді әскерге шақыру және сани­тарлық тазалық секілді қосымша мәселелер қаралып, тапсырмалар жүктелді.