Салауатты жаз науқаны жүзеге асуда

Елімізде ауқымды түрде балалардың денсаулығын қорғауға бағытталған «Салауатты жаз – 2025» профилактикалық науқаны өтіп жатқаны белгілі.

Аталған науқан аясында «Жалын» сауықтыру лагерінде аудандық аурухананың Салауатты өмір салтын қалыптастыру орталығы мен Жастар денсаулығы орталығының мамандары арнайы іс-шара өткізді.

Іс-шара барысында тынығушылар арасында спорттық, интелектуалдық сайыс ұйымдастырылды. Сала мамандары балалардың денсаулығын жақсарту бағытындағы кешенді іс-шаралар жоспарына сүйене отырып, демалушыларға кеңінен ақпарат берді. Тынығушылар медицина қызметкерлеріне көкейдегі сауалдарына жолдап, тұщымды жауап алды.

Сырдария аудандық ауруханасы