Көкейкесті сауалдарға жауап берді
МӘМС төңірігінде халық арасында көкейкесті сауалдар қойылып жатады. Мәселен, қоғамда жиі қойылатын сауалдың бірі – жұмыссыз жүкті әйел МӘМС үшін жарна төлеу керек пе? Аталған сауалға қатысты сала мамандары жауап берді.Шын мәнінде, жүкті әйел жұмыс істемесе және жеке кәсіпкер ретінде тіркелмеген болса, ол жеңілдік санатына кіреді. МӘМС-ке жарналарды мемлекет төлейді.
Міне, осындай сауалдар бойынша Сырдария аудандық ауруханасына қарасты емдеу мекемелерінде түсіндірме жұмысы жүргізіледі. Мәселен, Ақжарма ауылындағы медицина мамандары МӘМС жүйесіне қатысты жергілікті тұрғындарға ақпарат берді. Сонымен қатар МӘМС жүйесінің артықшылығы айтылып, тұрғындар мен мамандар өзара пікір алмасты.
