Құтқарушылар екі тәулікте 182 адамды эвакуациялады
Қазақстанның ТЖМ күштері екі тәулік ішінде 182 адамды оның ішінде 57 бала құтқарып эвакуациялады, деп хабарлайды BAQ.KZ.
Өткен екі тәулік ішінде (1-2 қаңтар) Қазақстан ТЖМ күштері 396 шығу жасады, оның 195-і өрттер мен жану оқиғаларына, 201-і іздестіру, авариялық-құтқару және басқа да жұмыстарға.
Бұл ретте 182 адам, оның ішінде 57 бала құтқарылды және эвакуацияланды.
ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады.
Ауылдық жерлерде тұратын тұрғындарға ауа райы нашарлаған жағдайда алыс қашықтыққа жаяу жүруден бас тартуды ұсынамыз, - делінген хабарламада.
Фото: ТЖМ баспасөз қызметі
