1 қазаннан бастап пойыз билеттері қымбаттайды
1 қазаннан бастап пойыз билеттері 20 пайызға қымбаттайды, деп хабарлайды Egemen.kz.Қазір елімізде 140 бағыт бойынша қатынайтын пойыздар бар.
Qazaqstan.tv хабарлағандай, келесі айдан бастап 62 бағыт бойынша тариф өседі. Мәселен, стандарт вагондардың құны 6 300 теңгеден 7 500 теңгеге көтеріледі.
Ал тальго пойызына билеттер 10 мың теңгеден 12 мың теңгеге қымбаттайды.
Айта кетейік, ел Үкіметі тарифті өсіру арқылы теміржол паркін жаңартуды көздеп отыр. Бүгінде 2 600-ден астам вагонның 44%-ы әбден тозып кеткен.
Фото: smartnews.kz
