Тауарды қазақ тілінде таңбаламау заңбұзушылық па
Қазақстандықтар егер тауарда, өнімде мемлекеттік тілде ақпарат берілмегенін анықтаса, шағым жасай алады, деп хабарлайды Kazinform. «Тұтынушы үшін тауардың сипаттамасы, ескерту және өндіруші мекеменің атауы қазақ тілінде көрсетілмесе, бұл –заң бұзушылық. Осы орайда тұтынушы өз құқығын қорғау үшін біздің өңірлік департаменттерге жүгінуге құқылы» - деді ҚР Сауда және интеграция министрлігі техникалық реттеу және метрология комитетінің төрағасы Қуаныш Елікбаев Орталық коммуникациялар қызметі алаңында өткен баспасөз мәслихатында.
Сондай-ақ комитет басшысы мемлекеттік тіл талабының бұзылуы бойынша мысал келтірді.
«Sinooil» ЖШС Атырау филиалы 1 035,0 мың теңге сомасына әкімшілік жауапкершілікке тартылды. Жанар-жағармай бекетінде мемлекеттік тілде ақпарат болмаған», - дейді ол.
Фото: ашық дереккөзден
