Ел бірлігі бәрінен қымбат

ҚР Парламент Мәжілісінің және жер­гі­лік­ті мәслихаттардың депутаттарын сай­лау Сыр елінде, оның ішінде біздің ау­данда ауызбіршілікпен өтті. Саяси нау­қан додасына бағыт-бағдары айқын саяси партиялар мен ел азаматтары кан­ди­дат ретінде тіркеліп, барынша үгіт-наси­хат жұмыстары жария түрде, ашық жүр­гізілді.

Сайлау күні сайлаушылардың ерікті түрде дауыс беруге барғандарын да бай­қадық. Бұл әрине, қуанышты жағдай. Әр­бір тұрғын саяси додаға қатысқан ең лайықты деген азаматына таңдау жасап, өз дауысын берді. Біз де осы ауданда өмір бойы қызмет етіп, зейнеткерлікке жеткендіктен, сайлаудан қалыс қал­май, алдыңғылардың қатарында өз таңда­уы­мызды жасадық.

Бұл сайлаудың өзге сайлаулардан ерекшелігі – партиялық тізімдердегі кво­таның кеңеюі. Сонымен қатар биылдан бастап Мәжіліс депутаттарын сай­лауда партиялық тізімге әйелдер мен жастардан басқа мүмкіндігі шектеулі аза­маттар да енгізілгендігі. Бұл – әрине, тең­дік қа­ғи­датына негізделген оң бастама.

Жаңа Қазақстан құру жолына жасал­ған батыл қадам – ол жаңадан жасақ­талған депутаттар корпусы мен ел сені­­мі­не ие болатын халық қалаулылары. Елдің болашағы үшін қам жеген азаматтардың сайлауалды бағдарламасында айтылған барлық мәселе орындалып, Жаңа Қазақ­станды ел-халық болып бірге құратыны­мызға сенімдімін. Халық сеніміне ие бол­ғандар зор жауапкершілік арқалайды.

Алма Бақтиярова,
мәдениет саласының ардагері,
Сырдария ауданының Құрметті азаматы